Bei Archivrecherchen tauchte per Zufall eine Bekanntmachung aus der Nr. 18 des „Unterhaltungsblattes zur Pfälzischen Volkszeitung“ vom 06. März 1881 auf, die prompt neugierig machte. So erscheinen darin gleich zwei Müller von der Schmeißbacher Mühle, noch dazu als Gegner vor Gericht. Zunächst sei also diese Bekanntmachung hier wiedergegeben.

Was hat aber nun zu dieser Beleidigungsklage des Müllers Heinrich Wilhelm Scheidt gegen den Sohn seines Onkels Johann Nicolaus, oben genannten Johann August Scheidt geführt? Dankenswerterweise gibt hier die zitierte Urteilsbegründung sogleich auch Hinweise auf die Ursache. Nach einer weiteren Recherche konnte besagter Beitrag aus der Nr. 37 des „Unterhaltungsblattes zur Pfälzischen Volkszeitung“ vom 09. Mai 1880 beigebracht werden. Er erschien anonym unter der Rubrik „Pälzer Latern. D’r Hannewackel unn’s Jacobiene!“

Jac.: Waß iss dann in unserm Minischterium des Aeußere‘ ei’geloff?

Hann.: Noor äh‘ Schreiwes unn deß kummt aus’m Lauderdhal zwische‘ Olschbricke‘ unn Wollschte. Unser dortiger Freind schreibt:

„Liewer Hannewackel! Weil m’r doch heitsedaak nimmi die Wohret sa’e noch wenniger awer drucke‘ derf, do will ich Der unn d’r Jacobiene e Traam v’rzeehle‘, denn wo en alter gurer Freind vun Eich in unserer Nochberschaft geträämt hott, wie’r das Schtickelche‘ vum Weiwer-Regiment am Selberg gelees gehatt hott — dann e Traam werd m’r doch wohl noch v’zeehle‘ derfe‘. Also Eier gurer Freind träämt, er wär‘ auch v’rheirath’t unn hätt‘ e ganz dichtigi Hausfraa; die hätt‘ awer doch e Fehler unn der dhät dodrinn beschtehe‘, daß se sei‘ Herz ganz alläh‘ besitze‘ wollt, dieweil er alsemool wie e Schmetterling vun jüngere Bliemcher e bißche‘ Honig schlecke‘ wollt‘. Do wollt‘ ’r grad emool d’r Köchin e Kißche‘ gewe‘ unn hott schunn ′s Maul d’rzu geschpitzt gehatt, wie sei‘ Fraa ′erbeigeschlich kumm iss unn ’m e Ohrfei‘ gebb hott, deß ’r gemäänt hott, Oschtre‘ unn Pingschte wären deß Johr uff äh‘ Daak gefall.“

Jac.: Deß war e bess’rer Denkzettel als e Daak Bolles unn so sollt’s alle‘ Ehemänner gehe‘, die wo ehr Köchinne‘ net in Ruh lossen.

Hann.: Schootche‘! Du v’rgescht jo, daß die ganz Geschicht noor e Traam war.

Jac.: Na, schunn gut! Wann die Geschicht aach käh‘ Traam gewest wär‘, ’s Rezept, wo die Fraa ehrem Mann hinner’s Ohr geschribb hott, iss un bleibt e gures, noor sollt’s beim erschte Kranketsfall schun a’gewend’t und efter rebbedirt werre.

Hann.: M’r sieht unn heert, daß De alt werscht, dann Du sollscht doch wisse‘, daß e v’rbottner Kuß — iss e Hochgenuß!

Jac.: Macht awer efter viel V’rdruß! — Wie sieht’s dann jedzert mirrem Bieruffschlag unn ’m Bierschtreik aus?

[…]

So war es letztlich ein „geträumter“ Kußversuch des einen Müllers an seiner Köchin, der die beiden Vettern damals aneinander geraten ließ.